خلاص

الموضوع شكله خلص
دلوقتى بقينا كل مشكلتنا هى رغيف العيش وارتفاع الاسعار ونسبة الفقر
وبقينا عايشين فى عصر ان الداخلية والشرطة بيتدخلو فى حل ازمة العيش وبقى فى حاجة اصلا اسمها ازمة العيش
دلوقتى لو مرتبك 1000 كل شهر مش هتعرف تعيش طيب الناس تعيش ازاى ومين اصلا بيقبض الف جنيه
طبعا السيناريو واضح وطبيعى جدا
فى عز المعمعة وفى عز الاهر والهم وان الناس مش لاقيه تاكل يجى جمال بيه مبارك ويبقى رئيس للجمهورية
ويقلل الاسعار ويرفع الاجور والمرتبات ويلغى طوابير العيش نهائيا
تقوم الناس تعمل لجمال مبارك تماثيل وتسمى اولادها على اسمه ولو جيت انت كمعارض وقولتلهم دة وريث والتوريث غلط وهنبقى مملكة مش دولة.
ممكن الناس وقتها يعملو حاجة من الاتنين.
لاما يقتلوك .
لاما يستجنونك .
لاما يتفو عليك .
لى بقى يا معلم لان الناس كانت مش لاقيه العيش الحاف والراجل جه لغى كل الكلام دة ورفع مستوى المعيشة يبقى نعارضه لى؟
ثم الناس مالها ومال ابن الريس ولا مش ابن الريس
الناس عاوزة مصلحتها وخلاص هتيجى انت تقول لا للتوريث تبقى عبيط
جمال مبارك كدة لعبها صح
وكل الناس اللى فكرو فى اللعبة دى لعبوها صح
وفهمو وعرفو الشعب المصرى صح
وعرفو ان الشعب المصرى عنده استعداد ياكل تراب مقابل انه ميتسجنش ومقابل انه ميضحيش باى حاجة
الشعب المصرى مش ممكن ياكل تراب هو فعلا بياكل تراب
العيش بيبقى فيه ظلط والناس بتطلع الظلط وبتاكله
الناس بتموت فى طوابير العيش ومفيش اى ردود افعال ولا فى اى حد بيقول لا
خلاص يستاهلو
بقول لجمال بيه مبارك بعد لما تكون ريس يا ريت تبقى تعتقل كل المعارضة وتبيدها بالكامل لانها معارضة ممغصة بطنك وبطننا احنا كمان ويا ريت تبقى تصدر قرار باعدام كل رموز المعارضة فى ميدان التحرير

خلاص يا جماعة بقى جمال مبارك هو الرئيس وبقينا تحت حكم الرئيس المصرى جمال محمد حسنى مبارك
وتحيا مصر
ويحيا تعديل المادة 76
ومشاركة لا مغالبة
والعبارة 98
والقاهرة اليوم
والمصرى اليوم
والدستور
والبيت بيتك

وخلاص بقى
لا نقول تدوين
ولامعارضة ولا شارك برايك
ولا كلمة حق فى وجة ظالم هى فين كلمة الحق دى اصلا كلنا بنقول كلمة حق بس سرنا
نهايته
احب افكر الناس بشوية حاجات

1-لما الاخوان نجحو فى انتخابات مجلس العشب ب88 عضو كان تبلت الاعضاء دول من الجولة الاولى ف الانتخابات يعنى غلطة مطبيعة ولما الدولة عرفت انها غلطة افلت الانتخابات فى المرحلة التالتة؟

2_لما جت انتخابات مجلس الشورى والحكومة حبت محدش يدخل الانتخابات سجنت اعداد رهيبة من الاخوان ومحدش فتح بقه.
3_فى المحليات الحكومة منعت الترشيح اصلا.
4-العبارة 98 كانت حادثة مدية ودلوقتى لو جيت تكلم حد ممكن تلاقيه ناسيها ول جيت تسال فين ممددوح اسماعيل الناس تولك مين ممدوح اسماعيل ............راجل قتل الف شخص ومحدش قاله انت بتعمل اى.يبقى بالعقل لو واحد زى دة وهو حتة عضو فى مجلش الشورى وتسبب فى قتل الف شخص ومحدش قدر يقوله بم لو الرئيس او الحكومة حبت تقتل ميون شخص حد هيقدر يتكلم .؟؟؟؟؟؟؟
5_لما الناس شافت الضرب والكهربا فى اقسام الشرطة وحدش اتكلم مستنى اى تانى منهم علشان تتكلم ؟

نهايته
دة مش شعب ودى مش ناس
واللى هيقول دة شعب عظيم يبقى كلب وابن كلب كمان واللى يقول ان الشعب المصرؤى عبقرى وعنده قدرة على التكيف
دى مش قدرة على التكيف دى قدرة على الذل
احنا اكتر ناس ممكن تستحمل الذل احنا الشعب اللى لو واحد اخوه اتقتل قدامه هيخاف ويجرى
احنا الشعب اللى نص شبابه مسافر دول الخليج ومذلول
احنا الشعب اللى عمالين نقول الفرعون المصرى والفراعنة والاجيال والاهر
احنا الشعب اللى حكمنا عبدالناصر وسجننا وسففنا التراب وكنا بنقول عليه زعيم وقائد
احنا الشعب اللى حكمنا حسنى مبارك 26 سنة ومفيش واحد طلع وقاله كفاية بقى
احنا الشعب اللى بيموت غرقا فى العبارات وحرقا فى القطارات
احنا الشعب اللى اخدنا بطولة افريقيا 2006 و2008 وخرجنا نصرخ ونقول تحيا مصر واحنا اكتر من نصنا تحت خط الفقر
احنا الشعب اللى ايرادات السينما بتزيد عن ميت مليون كل سنة والموظف فى الحكومة بيقبض 300 فى الشهر
احنا الشعب اللى شوفنا عمرو خالد بيطرد من مصر وسكتنا
احنا الشعب اللى بنشجع هيفاءوهبى ونانسى عجرم واليسا ومستضيفنهم عندنا وكارمنهم اخر كرم
احنا الشعب اللى يتسحق الحرق والقتل والتشريد

احنا الشعب دة
تحيا جمهورية مصر العربية
ولا هى جمهورية ولا نيلة

سلام بقى